A o faasolosolo malie mai aso o lenei tausaga fou 2023, ua amata faamamaluina foi ma nisi o suiga sa amata faalauiloa mai i le tausaga talu ai e pei o se faataitaiga, le siitia o nisi o peimeni ma fesoasoani ua faatulaga e le malo mo le atunuu. 

I tulaga o totogi o medications poo fualaau ma vailaau mo togafitiga e oo atu i le 30 pasene ua faaitiitia mai ai le tau totogi e faaaogaina ai le medicare, i tulaga o aoaoga o le a amata faamamalu nisi o fesoasoani i aoaoga o vocational and training lea o le a faia fua e aunoa ma se totogi i le TAFE, e oo i le 180 afe e faatupe ai atoa ma le 50 miliona o le Technology Fund e faaleleia ai nofoaga mo aoaoga. 

I iunivesite o le a tuuina iai isi avanoa pe ā ma le 20 afe e lagolagoina e le Commonwealth, o le tausiga o tagata matutua o le a amata faamamalu foi nisi o uiga i le tau e totogi.

O le vaega o tagata e iai manaoga tumau o le a toe faaumiumi atu le polokalame o loo lagolagoina ai i latou ia ma pe ā ma le 2,300 i latou o loo i lalo o nei polokame.

I tulaga tau fale ua amata faamamalu faasalaga mo foreign investors latou te solia tulafono e faatatau i le faaaogaina o fale ma iai foi ma fesoasoani mo pisinisi laiti ma peimeni mo tupulaga talavou faapea ma tamaiti aoga. 

O se tasi lenei o aso tāua mo i latou foi o loo maua penefiti mai le centerlink aua o lea o le a faamamalu foi le faia o siitaga i lea tulaga.