Ua faalauiloa aloa’ia nei le tauvaga o le a saili ai se Tausala o Samoa mo le tausaga 2024 i le 2025, ma lona autū o Samoa Matalasi, e pei ona faatino ananafi i le fale Samoa a le Pulega o tagata tafafao le Samoa Tourism Authority, ma ua faailoa ai ma le faasologa o tamaitai tauva mai le numela muamua e oo i le sefululima.
E to’a sefululima tamaitai talavou lalelei o le atunuu o le a tauva i le sailiga o sē o le a faapaleina e faaauau le tauaveina o lenei foi tofiga tāua a le atunuu; pe tusa ma le to’afitu tamaitai e malaga atu mai atunuu mamao o loo fai ma sui o tagata Samoa i na atunuu pe o loo tauva atu lava tutoatasi, ae to’avalu tamaitai o loo lagolagoina e nisi o kamupani ma faalapotopotoga i totonu lava o Samoa.
O le faasologa lea o le a faasolo ai foi i le po o le a saili ai se Tausala o le atunuu e pei ona faatulaga mo le faai’uga o le vaiaso a sau, lea e taualuga iai polokalame o le vaiaso o le Teuila lona 34 i lenei tausaga.
O le faasologa la o tamaitai tauva e 15 ua numela muamua ai le tausala o Samoa mai le setete o Niu Sa Uelese i Ausetalia.
1 Miss Samoa NSW — Epiphanyetaline Vaomua Wright
2 Miss Samoa Hawaii — Tanara Faamausili
3 Miss Falealili — Ingridvanie Feto’ai
4 Miss Tausala America — Anastacia Pagostar Maiai
5 Miss JADS Samoa — Rayleen Simati
6 Miss Pacific Mix — Ida Okesene
7 Miss Liahona Consultancy — Teuila Emmy Alofipo
8 Miss Samoa Victoria Inc. — Chantelle Tautunuafatasi
9 Miss Pacific Climate Warriors — Brianna Fruean
10 Miss Impact Services — Litara Ieremia-Allan
11 Miss Samoa Queensland — So’otuli Ausage Pepe
12 Miss Samoa USA — Josephina Lealaitafea
13 Miss Hidden Threader — Lydia Moananu
14 Miss Samoa NZ — Precious Miriama Tusega
15 Miss Lavashe Couture — Alaimalo Joanna Vasa
