Ua faafeiloa’i fiafia e sui o le New Zealand Customs poo le Ofisa o Tiute a Niu Sila nei nisi o sui o ofisa o tiute mai le Pasefika e auai faatasi i se polokalame faalea’oa’oga, ua ta’ua o le Customs Trainee Officer induction programme.
O lenei polokalame o le a a’oa’oina ai i latou i tulaga tau tulafono tau i tuaoi, o agavaa ma tomai tau su’esu’ega ma le faalauteleina o le malamalamaga lautele i le galuega; le vaega ua ta’ua o le border law, practical investigation skills, ma le capacity building.
O sui mai Samoa e aofia ai Merita ma Lii, ma Losana mai (Tonga) ma ua o latou ta’ua o le latou auai ai i lenei polokalame o le a faalautele ai lo latou tomai i le galuega aemaise, o le saga faamausalī ai pea o a latou sootaga ma faigāpaaga ma le tele o atunuu eseese ina ia puipuia lelei tuaoi mai faiga faasolitulafono.
Ua faamauina o lenei polokalame faalea’oa’oga o se tasi lea o polokalame ua leva ona faatino mai e ala i le Customs Sector Development Programme, e faatupeina lea e le Matāgaluega o le Va i Fafo ma Fefaataua’iga.
O se itu e fesoasoani atu lea i le Pasefika ma ana taumafaiga i le siitia o le tomai ma agavaa i itu e puipui ai tuaoi.
Puna o Faamatalaga: https://www.customs.govt.nz/about-us/news/our-stories/customs-welcomes-tongan-and-samoan-customs-officers
