Ua amata i le asō le masina mulimuli o lenei tausaga, ae mo nisi o tagata faigaluega ua amata ai le Fair Pay Agreements.

O se suiga tele i le talafaasolopito ma o se amataga fou mo tagata o loo galulue i le hospitality, o avepasi faapea supamaketi le suiga ua aloaia nei i le asō.

O le FPA poo le Fair Pay Agreement o le a fesoasoani tele lea i tagata e maualalo o latou totogi e finauina ai faiga tutusa ma o le a mafai ai ona finauina i se faiga tuufaatasi suiga o totogi.

I le molimau a se tasi o avepasi, o le a manuia ai i lenei suiga e le gata e manuia i feutanaiga o totogi a o le saogalemu o tagata faigaluega.

O le suiga ua amata aloaia i le asō na pasia e avea ma tulafono i le masina talu ai.