O le mataupu e faatatau i fale mautotogi ma le maualuga o le tau ua iai nei e matuai aafia ai lava le itupa o tamaitai.
O se suesuega sa faia i lenei mataupu ua faailoa ai finagalo o nisi o tina na auai ma taua ai o ia e lelei lona totogi i lana galuega peitai ua sii i luga i le 35 pasene le siitaga o lana rent ma ua oo ai i se tulaga faigata .
Ua faailoa foi e nisi ua faaopoopo pea le tau totogi mo fale rent ma ua tau leai foi ni fale rent ona o le toatele o le au sue fale. O le mau a se tasi tina mai Adelaide ua taua ai foi ua siitia atu lana totogi o le fale ae maea foi lana rent ia Mati.
Ua fiu foi e talosaga i isi fale e foliga mai o le a faigata ona toe maua vave seisi fale mautotogi. O le mau lava foi lea e tasi ua atagia mai ile faamatalaga a se tasi tina mai Perth ua nonofo faatasi nei ma lana fanau e toatolu i totonu o le taavale.
