E ui i le tele o fale rent i le maketi, ae o lea ua toe alu foi i luga le tau o fale.

I faamaumauga a le Trade Me ua iloa ai pe a ma le $20 i le vaiaso tusa ma le 4% ua toe alu ai i luga pe a faatusa i le piriota lava lenei o le tausaga talu ai.

Mai ia Gavin Lloyd o le Trade Me, o le toe alu i luga o tau fale rent o loo mafua lea i le faaopoopo o tau o loo totogi e tagata e ana fale poo landlords, ma o le isi foi lea aafiaga o le alu i luga o le official cash rate e pei ona fofoga mai i le vaiaso nei.

I faamaumauga a le Trade Me o vaega uma lava o Niu Sila lea o loo alu i luga rent seia vagana ai Ueligitone.

Mai ia Lloyd e foliga mai o le tulaga lava lea o le a alu ai tau o fale rent e faaauau mo le isi tausaga.