O le vaveao ananafi na taunuu ai le tama i le ofisa leoleo ma le pepe ua maliu o loo i totonu o le taavale i Aukilani.

E 37 tausaga o le tamā o loo taofia pea i lalo o vaavaaiga a leoleo ma o lea foi ua molia i le fasioti tagata.

I lona ulua’i tu i luma o le faamasinoga ananafi na sa ai ma le faalauiloa o lona suafa, ma o lea foi na faailoa ai o lea na muamua ave i le falema’i lē ua molia mo togafitiga a o le’i tula’i i le faamasinoga.

I se lipoti a le 1News o loo ta’ua ai le lē fiafia o le auaiga o lē ua molia a o iai i le faamasinoga ananafi.

I se faamaoniga mai leoleo o lē ua molia e iloa lelei lē ua maliu, ma o loo fesoasoani nei le Victim Support i le tinā o le pepe ua maliu faapea lona aiga.

O loo faaauau pea su’esu’ega o lenei mataupu, ma o le aso 5 o Fepuari e toe tula’i ai lē ua molia i luma o le faamasinoga.

Puna o Faamatalaga: Man in court on murder charge after child’s death in Auckland