Ua aloaia i le aso suiga mo pasese faimalaga mai Tonga taunuu I Niu Sila
O se tala lata mai lea anapo i le maea faamauina ai o le 139 cases a Tonga
Mai le faatonu o le soifua maloloina Dr Ashley Bloomfield amata atu i le aso o le a moomia le faia o le rapid antigen test i le toai taunuu mai ai ma le aso 5 i le aso lona ono, ma e faatoa moomia le faanofoesea i le fale pe a foi mai siaki e faamaonia
O pasese uma foi mai Tonga taunuu i le aso 22 o Fepuari faasolo atu ai i aso o i luma o le a moomia le faanofoesea mo le 7 aso i le toai taunuu ai i Niu Sila ma e tatau foi ona faia siaki rapid antigen test i le aso muamua ma le aso 5 agai i le aso 6
I totonu o lea piriota o loo faamalosia le tatau ona vaavaai lelei o auga ma taumamao ma nofoaga e maualuga le lamatia i le faamai e pei o faatasiga tetele
O loo tatala pea le avanoa i tagata galulue faavaitaimi mai Tonga
