Ua aloa’ia i le asō tulafono fou a Aukilani ua faafaigatā ai nei ona faatau mai le ‘ava malosi.
O tulafono ua amata faamamalu mai le asō ua faasā ai ni bottle stores, o dairies faapea supamaketi ona toe faatauina se ‘ava malosi i tua atu o le ta o le 9 i le po.
O se tasi o suiga na finau malosi ai le puleganuu a Aukilani ua faia se’i fesoasoani ai i le tuuitiitia o aafiaga e mafua mai lava i le tagofia o le ‘ava malosi.
O le suiga fou ua aloa’ia mai le asō e ese mai lea i le isi puipui o le tulafono lea na aloa’ia mai ia Setema, lea ua lē o toe taliaina ai ni laisene fou e faamatuu mai mo pisinisi o loo faatauina mo nisi o nofoaga i le aai.
O le naunauta’iga o le councillor ia Josephine Bartley, ia iai ni suiga lelei e alia’e mai ona suiga o le tulafono ua iai nei.
Puna o Faamatalaga: https://www.rnz.co.nz/news/business/536052/auckland-alcohol-restrictions-new-rules-come-into-force
