Ua faamaonia mai e le minisita o Michael Wood lea e feagai ma matagaluega o sootaga tau galuega ma le saogalemu, Workplace Relations and Safety e moni o le a faia se iloiloga atoa o le polokalame o le Recognised Seasonal Employer poo le RSE i le amataga o le tausaga fou.
Ua lipoti e le Newshub ua faia lea folasaga i le mae’a silasila o le Komesina mo avanoa tutusa i galuega le Employment Relations Commissioner i tulaga o loo faatino ai ia auaunaga.
O le komesina o Karanina Sumeo lea na ia faailoa i le lipoti lea o nisi o tagata faigaluega o loo aumai mai le Pasefika o loo faaaogāina nei galuega ma o loo aumau i ni tulaga lē lelei, ma i se su’esu’ega na faia e le komesina ua alia’e ai lea tulaga.
Fai mai le komesina o se tulaga ua oia ai le aiātatau a le tagata faigaluega ma ua tatau ona faaleleia lea tulaga i Niu Sila. Ua valaau foi le pati a le Green ma le Council of Trade unions ina ia toe faatulaga atoa lea polokalame.
