Fai mai na maliu lava i le auala aga’i atu i le maota gasegase, si alii faamasino o Astrit Kalaja lea na fana e le tagata i totonu o le potu faamasino sa faatino ai apili i le faaitu o Tirana i Albania.
Fai mai le CNN na fana e se alii e 30 tausaga o loo masalomia i se faalavelave, fana faatasi ai ma isi tagata e to’alua sa iai i le faamasinoga ae e lē tigāina tele o la manu’aga.
Ua faailoa i le lipoti e lē o iloa i le taimi nei le māfua’aga ua faatino ai lea gaioiga.
Na pu’e e leoleo i se taimi mulimuli ane le alii 30 tausaga lea na sola ese i le taimi na tupu ai le faalavelave.
Ua maua foi e leoleo le fana na faaaogāina ma o loo faaauau nei su’esu’ega.
Puna o Faamatalaga: https://edition.cnn.com/2025/10/06/europe/albania-courtroom-shooting-gunman-arrested-intl-latam
