Ua fesiligia nei le soifua maloloina pe aisea na le faailoa mai ai se
tasi o nofoaga na asia e se case na faamaonia i le koviti
O le aso ananafi na faatalanoa ai se tasi o alii faiata tifaga iloga i
Amerika, Wade Williams i luga o tala a le CNN, ma o lea faatalanoaga na
ia taua ai sa faanofoesea ao iai i NZ ona ia asia se tasi o spa i
Aukilani, ma o lea spa faatoa tuua e le case ua faamaonia i le koviti
O le spa lenei e le i faailoa mai i nofoaga na asia e cases ua
faamaonia, e pei ona masani ai le soifua maloloina i community cases
E ui la o loo viia e lea alii mai Amerika le lelei o le system a NZ ma
le vave ona fesootai atu sui o le matagaluega i le tatau ona vave ona
faanofoesea, peitai o le fesili ua sau a’i i le faatalanoaga lenei, pe
aisea lava ua le faailoa mai ai  mo le silafia e le atunuu aemaise o lea
e faailoa le tele o isi pisinisi, atoa ai pe fia la nisi pisinisi faapea
Tali mai le sooupu a le soifua maloloina i tala a le herald, o nofoaga
uma e asia e cases e faamaonia i totonu o le atunuu, e le o nofoaga uma
e faailoa mai, ma o se tasi lenei o nofoaga i le talitonuga o le
matagaluega e le tatau ona faailoa faalauaitele.