Ua agiga nei videos mai le cctv o ni tagata a ititi mai pe toatolu na fai a latou matapulepule ma o latou osofaia se faleoloa o le jewellery store i Papatoetoe i le afiafi ananafi.
Faamaonia mai e leoleo e iai le tagata na manu’a tigaina ai i le osofaiga lea i le Pooja Jewellery i luga o Kolmar Rd i Papatoetoe e tusa o le toe kuata i le 5 i le afiafi.
O ata ua maua ai foi se kopi a le One News e pei ona o latou lipotia ua iloa ai le auosofai lea a o agai ane ma ni auupega e pei o ni samala ma e foliga o auupega na sa osofaia ai le tagata ua faamanu’alia.
Fai mai a o agai atu le augaoi lea e tase’i mai oloa mai le faleoloa na agai ane se tasi o le aufaigaluega ma se isi auupega e lipotia o se pelu ma lu’i ane ai le auosofai seia oo ina agai ese mai ma le faleoloa.
Na saunoa le leoleo asiasi o Keki Wilson i le lipoti lea e faapea o loo faatalanoa nei nisi o molimau o le faalavelave ma faaauau le suesuega.
Fai mai isi lipoti o lē na faamanu’alia o le pule o le Pooja Jewelers ma o loo manaomia ona faia sona taotoga ona o manu’aga.
Puna o Faamatalaga: https://www.1news.co.nz/2024/06/24/shocking-cctv-shows-violent-raid-on-auckland-jewellery-store
