Ua maua le avanoa o le Tall Blacks, le au pasiketipolo a Niu Sila i le Ipu o le lalolagi i lea faagatama lea e fuafua mo le tausaga fou.
O le taaloga i le po anapo na manumalo ai le ‘au i Aukilani ma faamautinoa mai ai loa le maua o le latou avanoa i le World Cup. O le ono ai lea o tausaga sosoo o agavaa pea le Tall Blacks i le ipu o le lalolagi i le pasiketipolo.
Ua faailoa o le a taumafai e maua so latou tulaga sili atu nai lo le tulaga 19 sa faatulaga ai i le mae’a o le Ipu o le lalolagi i le 2019, ae o le tausaga e 2002 na oo ai le latou taumafai i le semi finals.
E 32 ‘au e tausinio i le faamoemoe lea i le 2023 ma o le ulua’i taimi lea o le a talimalo ai ni atunuu se tolu i le Ipu o le lalolagi, o le atu Filipino, Iapani ma Indonesia.
