Ua pasia le faitauga lona tolu o le pili e teuteu ai le faasa ona faatau atu o le tapaa i soo se tasi na fanau i luma mai o le aso muamua o Ianuari 2009.
O se tasi lenei o laasaga agai i luma o le sini mo Niu Sila ao taumafai ia oo atu i le 2025 ua le o toe iai se tapaa.
E tolu suiga o le pili ua taua o le Smokefree Environments and Regulated Products Amendment Bill –
1. Ia faaitiitia ai le tele o le nicotine o loo faatagaina i totonu o tapaa
2. Faaitiitia le fuainumera o faleoloa e faatauina tapaa
3. Ma ia mautinoa e leai se isi na soifua i luma mai o le Aso 1 o Ianuari 2009 e faatauina atu iai tapaa
O le pasia o lona faitauga lona tolu ua agai atu ai nei e faatulafonoina, ma o lea sa iai le lagolago a le Labour, Greens ma le pati a Maori.
