Ua agai le Atu Kuki e faasā vape ma tuu i luga le tausaga e faataga ai le ulaula.
O lea ua pasia le faitauga faatolu o le teuteuga o le tulafono e le Palemene a le Atu Kuki, ma o le toatele o sui faipule o loo lagolagoina.
Mo tagata taitoatasi e maua ua avatua i totonu o le Atu Kuki vape e ono faasala i le $100,000 poo le nofo i le falepuipui i le umi e oo atu i le 3 masina.
Ae mo pisinisi e maua e faasala i le $1 miliona faasalaga tupe, ma a faaauau pea ona lē usitai, e totogi le $100,000 i le aso e tasi mo le piriota atoa e soli ai le tulafono.
O isi sā o le a lē toe mafai ai foi ona taumafa tapaa i nofoaga faitele faapea ai ma faalauiloa, ma e moomia le laisene e mafai ai ona faatau i faleoloa tapaa.
Mai le matagaluega o le soifua maloloina i le Atu Kuki o se suiga ua faia ona o lea ua oo lava i le 6 tausaga ma le 7 tausaga ua tagofia le vape.
Mo turisi e asia le Atu Kuki ma e silia ma le 21 tausaga, e lē o aafia i le suiga o le tulafono mo vape ua faailoa ma e na o le tasi le vape e mafai ona alu atu ma avatu ae e gata foi i le 30 mililita le suavai.
O lea foi o loo iai nei i le 18 le tausaga faatulafonoina e faataga ai le ulaula i totonu o le Atu Kuki, peitai a aloaia teuteuga ua iai nei o le a suia loa i le 21 tausaga.
Puna o Faamatalaga: Cook Islands ban vapes, smoking age raised to 21 – NZ Herald
