A tuufaatasi e atoa lelei le to’a 50 o tagata ua maliliu ma le to’a 76 ua manunu’a i ni faalavelave se lua i le highway i le itu i Saute i Sasae o Afghanistan e pei ona faamaonia mai e se sooupu a lea atunuu.
O le faalavelave muamua na feto’ai ai se pasi la’upasese ma se loli suāuu i le highway i Kabul ma le isi i se isi vaega o le highway lava lea e tasi e koneti ai ma le laumua o Afghanistan i le itu i Saute.
O i latou o loo manunu’a na ave i le falema’i i Ghazni ae o i latou e tigāina na ave sa’o i le falema’i i Kabul ma o loo aofia ai ma tamaiti ma tamaitai i le aumaliliu.
Ua ta’ua i le lipoti o faalavelave faapea e taatele i Afghanistan ona o le faaletonu o auala faapea foi ma le faatamala o avetaavale.
E ogaoga manu’aga mai ia faalavelave ma o se tala faanoanoa i le lata i le Kerisimasi ae feagai nai aiga o i latou ua aafia ma mafatiaga.
O loo faia su’esu’ega i le mafuaaga o ia faalavelave.
Puna o Faamatalaga: https://www.9news.com.au/world/at-least-50-killed-after-multiple-highway-crashes-in-afghanistan/29ccf235-631b-400c-86c4-b0b273ac54b7
