Ua faailoa e le Taliban o le a o latou tapunia uma kulupu i le atunuu faapea kulupu faavaomalo e lē o ni kulupu a le malo o loo faafaigaluega ai tamaitai.
O sa latou folasaga aupito lata mai lea e osofa’ia ai aiātatau a tamaitai talu mai le 2021.
E lua tausaga talu ai na o latou folafola ai i faalapotopotoga tuto’atasi NGOs e taofia le faafaigaluegaina o tamaitai Afghan ona o lo latou lē laeiina o le sikafu Isalama i le tulaga sa’o e tatau ona iai.
Ua o latou faailoa i se tusi ma fautuaina foi e le matagaluega o le tamaoaiga o le lē tausisia o le poloa’iga e faalapotopotoga ia, o le a lusi ai laisene e faagaioia ai a latou auaunaga i Afghanistan.
Valaau le to’atele ia toe suia lea poloa’iga aemaise lava i faalapotopotoga o loo tula’i mo aiātatau a le tamaitai.
O nisi vaega ua aga’i iai poloa’iga a le Taliban e aofia ai le lē faia o ni faamalama o falefaigaluega o loo iai faalapotopotoga ia, e faasā ai le autilo atu o nisi i nofoaga o loo faigaluega ai tamaitai.
Puna o Faamatalaga: https://www.9news.com.au/world/taliban-afghanistan-say-they-will-close-all-ngos-employing-afghan-women/b01b94ff-a01c-465e-900d-25f9a5acbc56
