Ua afea Samoa i le amataga o lenei vaiaso muamua o le masina fou lenei o Setema e le afioga i le Masiofo a le Tupu o Tonga o Kuini Nanasipau’u Tukuaho, i le faamoemoe e auai i se fono faaseminā a atunuu o le Pasefika e talanoaina ai mataupu faalelotu, le South Pacific Area Seminar.
O se fonotaga foi o le a auai nisi o ta’ita’i faalelotu o le lalolagi.
O le laumua o le ekalesia Metotisi i Samoa o loo i Foga’a i Faleula o le a tatala ai lea faatasiga i le afiafi o le Aso Lulu o le vaiaso nei, lea o loo faailoa i le polokalame o le afioga i le Tamaitai Palemia o Samoa le Afioga Fiame Dr Naomi Mataafa o le saunoaga autū o le tatalaina o lea fono faaseminā a atunuu e aofia ai Papua Niu Kini, o le Atu Solomona, Tonga, Fiti, Ausetalia, Niu Sila, ma Samoa.
O le afioga i le Minisita o le kapeneta, le tofa Leatinuu Wayne Sooialo sa faafeiloa’ia le to’ai taunuu i le malaevaalele faavaomalo i Faleolo, o le faigāmalaga a le Masiofo a le Tupu o Tonga.
E tolu aso o le fono e pei ona mafua ai le afea o Samoa e le afioga i le Masiofo o Nanasipau’u Tukuaho.
