E fai si tele o aafiaga o timuga mamafa i le aso ananafi i le Northern Beaches i Sini lea e ta’ua na lolovaia ai nisi o vaega.
Ua ta’ua i lipoti na toulu laau ma pa’ūū isi laau i luga o taavale, le auala tele ma lipotia foi le timu aisa.
O le faamatalaga mai le SES, e silia ma le 40 valaau mo se fesoasoani na faaoo atu ia i latou mai le aso ananafi aemaise lava i le Northern Beaches ma le Lower Hunter.
Na faamauina foi le poloka o nisi o auala i le itu i Matu o Avalon ma sa aafia ai feoa’iga i ia faaitu.
Mai Melepone i le asō na lipotia le malosi o le mālūlū ua faamauina i lea pito o Ausetalia talu mai le 11 tausaga talu ai.
O le isi vaega aupito mālūlū i le asō o Tasmania ae o isi pitonuu e pei o Horsham, Bendigo ma Ballarat ua faamauina le oo ane i le -1c le malosi o le mālūlū ua iai mo le asō.
Puna o Faamatalaga: https://amp.9news.com.au/article/dbb0081d-f1be-46af-8144-13937e442544
