Ua faate’ia le toatele o faaitu o Kilbirnie Crescent i le taeao o le Aso Gafua le faaleaga ai o se pa simā o se tasi o aiga ina ua so’a e se pasi la’upasese a le Metlink.
Lipotia mai e le Radio NZ, poo le ta tonu o le itula e 6 i le taeao o le Aso Gafua na tula’i ai lenei faalavelave.
O le tulaga faafetai, i le taimi na lavea ai le pasi la’upasese e lei iai se pasese i totonu, e le’i faapea na i luga o se taimi faatulaga e galue pe fealua’i ai le pasi; e pei ona ta’ua sa iai le faailoilo o le “not in service” ae aafia loa; e fai o le so’a o le pa ae toe mamau i se laau na iai i totonu o le pa o le ‘aiga e ona le fale.
Na māua le aafia ai o le a’ao o le ‘ave pasi po lona vae tulou, ae ta’ua i molimau i le maua atu ai o le ‘ave pasi ao taumafai e sau i fafo ma le pasi, na vaaia le te’i i le mea ua tupu,ma ua lē mau gagana foi.
E tasi se taavale a se isi tagata e aumau i lea lava faaitu poo le nofoaga na aafia.
Faamauina na tapunia le tasi o itu ala poo le lata lava i le 4 itula o tapunia ae taumafai le ofisa o leoleo ma i latou uma na iai i le faalavelave e ave’ese le pasi la’upasese.
E lē o māua lelei le mafua’aga na lavea ai le pasi la’upasese.
Puna o Faamatalaga: https://www.rnz.co.nz/news/national/575066/bus-crashes-through-wellington-home-s-fence-closing-lane-on-sh1
