Na faate’ia le to’atele o tagata o loo nopia’i ma galulue i le faletalimalo o le Hotel Grand Chancellor ina ua faanatinati ona aveese i latou mai lea malu, ina ua sasao ane se afi i le faletalimalo.
Faaalia i lipoti mai le NZ Herald, na tali atu auaunaga o faalavelave tutupu faafuase’i le vaega a le tineimū ina ua vaalau atu nisi ma faailoa atu lo latou molimauina o le sasao mai o se afi i le pito i luga o le faletalimalo, ma o loo mātauina ai le aafia o le faailoga o le faletalimalo o loo i fafo mai lava o le fale.
O lea na faatopetope ai loa ona aveese uma mai o tagata na iai i totonu, ae faatino galuega a le tineimū e tineia le afi.
Faamauina le faaleagaina ai o nisi o pisinisi lata ane talu ai le vai, a o faatino galuega, peita’i ua lipotia mai e lei iai se tasi na aafia i lea matāupu, ma na mafai ona toe aga’i uma atu i latou o loo api i lea faletalimalo i totonu ina ua mautinoa lelei le saogalemū.
Puna o Faamatalaga: https://www.nzherald.co.nz/nz/auckland/auckland-cbd-firefighters-respond-to-reports-of-flames-at-hotel-grand-chancellor/NZYWGG4YZRG2DMNDLCNXROSYHA/
