E to’a 15 sui o le au Lakapi Taitoafitu a le Manu Samoa o loo faamautu mo se taimi lē tumau i Dubai aua le vae o le taamilosaga Lakapi Taitoafitu a le lalolagi ua aafia i le vairusi o le faama’i Koviti19.
O lea aofaiga e aofia ai le 13 o tama taaalo ma sui e to’alua o le pulega o le au a le atunuu. O le isi to’a 11 mai le aumalaga e to’a 26 o loo saogalemu. Ua faailoa e le Ofisa Sili o le Pulega o le Lakapi Samoa le susuga o Faleomavaega Vincent Fepuleai talu ai le aafia o nisi o le au a le atunuu i le faama’i o le Koviti ua faia ai ma le faaiuga o le a lē auai atu i le taamilosaga i Malaga i Sepania i le faaiuga o le vaiaso nei.
Taua e Faleomavaega “Ia e maitau atu i fesootaiga a le tatou Iuni Lakapi ma le Pulega foi i o Dubai i le mea o loo iai le au , o loo maitauina ua lē mafai ona ō, o le tulaga lea mo test foi ia mo le faama’i ae maua mai ai results ua 13 tama taaalo le toalua o le Pulega ua positive a latou test sa fai ma ua mataituū lelei e le Pulega e lē tatau ona ō i le taamilosaga”.
Taua foi e Faleomavaega e ui ua aafia nisi i auga o le faamai peitia e le’o iai se tualga faapopoleina ai auā e le’o iai ni foliga togaiga pe o faataotolia foi nisi i le falemai. Ao loma ai le tamailosaga i le faaiuga o le vaiaso ua mautinoa le leai o ni ai mo Samoa i le laupapa o taamilosaga taitoafitu mo lenei tausaga ma e iai foi le talitonuga a Faleomavaega e ono tolopo le tele o nisi o vae o le taamilosaga pe afai e toatele tama lakapi mai au eseese e aafia.
O Fiti le isi atunuu ua faailoa e nisi o ripoti o le a lē auai atu foi i le taamilosaga i Malaga i Sepania ona ua aafia foi nisi o tama taaalo a le au lakapi taitoafitu a lea atunuu i auga o le faamai Koviti19.
