O loo nofo faatalitali pea fanau aoga a le atunuu ua faamanuiaina i avanoa silkolasipi mo Ausetalia ma Niu Sila i le taimi e mafai ona malaga ai i ia atunuu mo le faauauaina o a latou aoaoga.
Talu ai o loo matauina pea le pipisi o le faamai o le Koviti19 i le lalolagi ua tapunia ai foi ma alavaa o le tele o atunuu o le lalolagi e aofia ai ma Samoa o le ala lea ua toafia lē tumau ai nei le malaga atu o fanau aoga i atunuu i fafo.
E to’a 53 fanau sikolasipi a le Maanaki Niu Sila ma mai lea fainumera e to’a 15 fanau mai Samoa, taua e le sooupu a le Hai Komesina o Niu Sila i Samoa o fanau uma ia o loo ave iai le faamuamua ma e tatau ona vave malaga pe a tatala feoaiga faavaomalo.
Na o latou faamanino foi le taua o nei avanoa sikolasipi mo fanau o le Pasefika ma le faafitauli o loo feagai ai nei ona o tulaga faigata o loo iai nei lalolagi mai le faama’i. E faaauau pea ona lagolago e Niu Sila i soo se auala e manaomia ai e nei fanau sikolasipi se fesoasoani.
Mo Ausetalia o loo faagasolo nei se gaioiga a lea atunuu e galulue ai i auala e mafai ai e fanau aoga ona ulufale i lea atunuu e faaauau ai a latou aoaoga. O le a faauau foi ona galulue faatasi le malo Ausetalia ma le malo Samoa e ala i femalagaiga ma o le a fai mea faalogo lava i tulaga o le toe tatala o alavaa i se taimi o i luma.
