O le afā o Narelle lea ua aafia Kuiniselani e pei ona faailoa i lipoti a le 9News i le asō.
E 14 a’oga ua tapunia i vaega o le setete o loo malosi ai aafiaga o le afā ma na amata lapata’ia mai le aso ananafi tagata i le auala o le afā ina ia tapena i nofoaga saogalemu ma faatino foi puipuiga masani.
Ua faailoa e le Premier o Kuiniselani, David Crisafulli o nofoaga uma tau le soifua mālōlōina ua lava ona tagata faigaluega ma o loo iai le fesoasoani pe a mana’omia e tagata.
Ua silia i le 300 fale ua motusia mai ai le eletise aemaise i le faaitu o Coen.
O le malosi o Narelle o loo faatulaga i le Vaega 4 poo le Category 4 ma o loo iai popolega i lōlōga oso faafuase’i ma o gataifale o Kuiniselani lea o loo ta’ua o loo aga’i sa’o iai le afā o Narelle.
Puna o Faamatalaga: https://www.9news.com.au/national/tropical-cyclone-narelle-live-updates-tracker-queensland-latest-news-headlines/863bc4e8-cea0-4cc6-b19d-be2cbab60902
