E le o mautu mai se lipoti mai le vaa a Ausetalia na aga atu mo le tuuina o fesoasoani mo Tonga I le maea ai o le tsunami ma le pa o le maugamu I ilea motu o le pasefika ise taimi e lei mamao atu.
O se lipoti ua agiga ile aso I le ABC ua taua ai toeititi 24 tagata i lugao le vaa a le Navy lea na aga atu mo Tonga, ua faailoa mai ua faamaonia le aafia uma ile koviti.
E le nao Ausetalia o loo faatinoina le tulaga lea o le aveina atu o fesoasoani mo Tonga mao loo tumau pea ona maumauai Tonga I le faatumauina o le leai ose tasi e aafia ile koviti ile atunuu ma o le ala lea e talosaga ai i atunuu o loo alolofa atu ina ia leai ni fesootaiga a tagata ao fepasiai ia fesoasoani.
Ua maea ona tuuina le fesoasoani a Ausetalia mo Tonga I vaalele a le Militeli a Ausetalia peitai o le vaa lea o le HMAS Adelaide lea e fai si tele o le uta o looia aveina atu e aofia ai ma fesoasoani tau masini inisinia, suavai mama ma fale le tumau.
Fai mai le minisita o le puipuiga a Ausetalia, Peter Dutton ole taeao nei ua fesootai atu ai I Tonga poo le a seisi laasaga e faatino ia faataunuu ai le ofoina atu o fesoasoani sa malaga atu ma le vaa a le navy. O se taimi o le afiafi nei poo le taeao foi a taeao e tatau ona taunuu ai le vaa I Tonga
