A o suesue ai pea la e le Latitude Financial le tele o le aafiaga ua oo i ana paaga, ae o lea ua aafia atu ai foi ma paaga a le Kiwibank.
O le Kiwibank o ia lea e iai le la faigafaapaaga ma le Latitude Financial e mafai ai ona faatalosagaina nonogatupe e tauala mai le faletupe, ma ona o lea o lea foi ua aafia atu ai ma ia.
I se faamatalaga mai le Kiwibank o lea ua oo le faitau i le silia ma le 2,000 paaga a le faletupe ua gaoia atu ai ma faamaumauga ma o loo iai le popolega e le pau ai lea.
O le 2,000 lea na muamua faailoa mai, ae oo ananafi toe fesootai ane le Latitude i le faletupe e iai isi ua toe faaopoopo.
O loo tulimataia pea e le Kiwibank lenei mataupu a o suesue atili ai pea atoa ai ma le vaaia o teugatupe a ana paaga e pei ona fai mai ai i tala a le Stuff.
