Ua faamaonia mai nei e le faigamalo ale Leipa ose tui puipui mo le koviti 19 ole a leai se totogi mo tagata uma. Ole fuafuaga lautele a le faigamalo mo le Palemene ua faataatia mai I le lauga na faia e le kovana Dame Patsy Reddy ose sui o le Tupu Tamaitai, ae o le lauga na tusia mai I le ofisa o le palemia,
Taua ile lauga o le taimi nei I le mau faigata o feagai ma tagata niusila mae tumau pea le silasila I le puipuia o niusila ma ona tagata. O loo folasia ai ma nisi o faamoemoega o le malo ina ia fausia le tusa male 18 afe o fale faalauaitele, siitia le totogi maualalo o galuega, toe suia o le Resource Management Act ma ia tuuina le lagolago ile vave faaleleia ole tamaoaiga,
O le lauga foi na taua ai e tolu moemitiga o le malo e ao ina manatua, faatumauina o le saogalemu o tagata niusila mai le koviti 19, faagaioiina o le tamaoaiga o le atunuu, atoa ai ma le faataatiaina o le faavae mo se lumanai lelei. Ile mataupu I uiga o le tau, ua toe tulituliloa le faamoemoega na iai ia faaaoga renewable energy ao lei oo mai le 2030 ma silasila I auala e mafai ona faaaogaiina ai le malosiaga faaletise mo nisi atinae. Ua faamanino foi ole a silasila I le nofo lelei o le atunuu aemaise I mataupu e faatatau I le lima vaivai ma le faaitiitia o faiga faailoga tagata
