E 8 taaloga ua faamalolo ai le alii taalo o le Roosters, Spencer Leniu e le judiciary a le NRL poo le lakapi liki mafua i le mataupu e aofia ai ma le tama taalo o le Broncos, Ezra Mam.
O anapo na faia ai le iloiloga o le mataupu lea ma ua lipotia i le televise tasi i se faamatalaga a Mam sa tuuina i le panel na ia ta’ua ai lona lē fiafia ma le ita i le mataupu e pei ona lotea.
Sa finau atu foi Leniu i lona manatu o faamatalaga e faia e tama taaalo i le taimi o taaloga ma e lei iai sona manatu i ni tulaga faailogalanu o lea faamatalaga.
Fai mai lipoti sa amanaia e le panel le faatoesega na faia a Leniu ia Mam ma o lona uiga la o le faasalaga ua tuuina nei o le a misia ai e Leniu ma le isi fetauiga a lana ‘au ma le Broncos i le taamilosaga 9 ma e faatoa ia maua le taaloga ma le Warriors i le aso 12 o Me.
