O nisi sa nofosala i le falepuipui i solitulafono matuiā e pei o le fasioti tagata faamoemoeina, faaoomanu’a tugā, taupulepule e faaoo le maliu i se isi tagata, ma le fasioti tagata pa’ivalea, ua talia a latou talosaga ma ua faamuta le tuliina o faasalaga i faai’uga a le Komiti o le Palola.
Na faailoa e le Ofisa Sili o le matāgaluega o faamasinoga o loo iai le ofisa o le palola le susuga Papalii John Taimalelagi Afele, e 71 talosaga sa iloiloina e le Komiti i lana fono faai’u i le masina o Tesema o le tausaga na te’a nei.
O le faai’uga e 25 talosaga ua talia ma ua magalo i aiaiga ua tuu iai faatasi ai ma le saini i le ofisa o le palola o loo i le auaunaga a le Matāgaluega o Faamasinoga ma le Faafoeina o Matāupu Tau Faamasinoga.
