E 51 afe tala ua faimeaalofa ai le Komiti o le Tutoatasi i le faailogaina o le Iupeli Taimane le 60 tausaga o le tatou tutoatasi i le aso muamua lenei o Iuni.
O lea vaegatupe ua tufa ai ta’i afe tala mo itumalo ma le fu’a o le Malo Tutoatasi o Samoa ma o sui faipule o itumalo faapalota ua tauaaoina lea meaalofa. Na faailoa e le taitaifono o le Komiti o le tutoatasi le afioga i le Palemia i le tauaofiaga a le Palemene i le Aso Lua, o ia seleni e fesoasoani ai i ni polokalame o le faamanatuina o le 60 tausaga ua pau tonu i le Aso Lulu o lenei vaiaso.
