E oo atu i le $500,000 le tupe ua faamatuu mai e le malo mo tagata e faamamāina meatotino ua faaleaga e Hale.
Saunoa le minisita o galuega o ia foi o le sui palemia o le a faatauto i le asō, Carmel Sepuloni o loo suesue nei foi isi vaega o le atunuu o loo moomia le fesoasoani ona o mea ua faaleagaina e le afā.
O loo faatupe ai tagata faigaluega i Tairawhiti o le a galulue mo nei galuega faamamā ma o loo fesoasoani ai foi i le aufaifaatoaga, faitogalaau’aina faapea le loaloa o le komiuniti.
E le fou fesoasoani nei a le malo e pei ona iai foi mo le pitonuu lava lenei ma Wairoa i le tausaga talu ai e pei ona faaleagaina ai i lologa.
I se faamatalaga mai le matagaluega a le Social Development, o tagata faigaluega o le a totogi i lenei vaegatupe o i latou o loo saili galuega e aofia ai fanau aoga poo i latou foi ua aafia galuega ona o le afā o Hale.
