E 5 afe tala Ausetalia le ponesi ua ofoina e se tasi o faletalimalo i Sini i se tagata o le a ia faasino ane pe refer ane se tagata faigaluega o le head chef i le latou auaunaga.
O le Orchard Hotel i Chatswood i Sini nei ua falauiloa ia latou faasalalauga le 5 afe lea o le taui o le tagata e na te refer pe faasino ane foi tagata faigaluega mo le avanoa lea.
Saunoa le alii pule o Matt Docker o le taimi muamua lenei ua ia ofoina ai sea vaegatupe mo se tulaga faapea.
E le o toe po se lilo i le tulaga ua iai nei le tau sailia o ni tagata faigaluega mo le tele o galuega i totonu o Ausetalia, ma fai mai le alii pule o le sailia ma le maua o tagata faigaluega e le gata ai ii ae e manaomia foi ona faatumauina i latou i galuega ia sologa lelei ai le auaunaga.
O le vaiaso na tea nei na folafola mai ai e le minisita o femalagaa’iga, o Andrew Giles e silia ma le 2 miliona talosaga o visa ua mae’a ona tuuina iai a latou tali talu mai Iuni ma ua mae’a faaagaga foi e le malo le 36.1 miliona e faafaigaluega ai tagata faigaluega e 500 ina ia galulue e process talosaga o visa e 880 afe o loo iai pea i le ofisa.
