Ua amata faaaogā nei e le Pulega o Uafu ma Taulaga le vaa tosovaa fou o le Sa’ula-60 na faatupe i se fesoasoani a le Faletupe o Atiina A’e o Asia (Asian Development Bank), i le tau e silia i le 5 miliona tala Amerika.
O se vaa tosovaa na faaalia e le Minisita o Galuega Tetele ma Pulega o Uafu ma Taulaga, o le a saga faaleleia ai le tautua mo vaa tetele e afea le uafu autu i Apia. E lē gata o vaa la’uoloa a o meli la’upasese tetele, ma vaa suauu. O le Aso Lua na faapa’ia ai le Sa’ula-60 i se sauniga na auai le ta’ita’i o le Malo i le afioga i le tamaitai Palemia, ma sui o le Malo.
Se vaega o le saunoaga mai le afioga i le Minisita o Galuega Tetele, Pulega o Uafu ma Taulaga le tofa Olo Afoa Fiti Vaai i le faapaiaina o le vaa tosovaa fou o le Sa’ula-60.
