O tagata e aumau i faaitu maotua o Vitoria ua logoina iai ua tuai pe afai e toe taumafai e oese mai o latou fale ona ua sitia le suavai o lologa ua oo atu i o latou faaitu ma ua faigata ai feoaiga.
O lapataiga ua faia i le mae’a o le faasaoina mai o se tina matua 74 tausaga mai lologa i le po anapo sa tuuina ai poloaiga e oese vave mai faaitu o Seymour, Rochester ma Yea.
O le poloaiga lea e agai ese mai ma nofoaga maualalalo o loo tumau pea i le aso peitai ua faailoa e leoleo ua faigata ona toe agai ese mai le toatele ona ua tetele lologa ma alu a’e foi le suavai o lologa.
O loo iai fautuaga mo vaitafe e pei o Goulburn i le va o Murchison ma Shepparton.
Ua faamauina e silia ma le 1200 valaau mo fesoasoani na oo atu i le ofisa o le SES i Vitoria.
