O Seesee o loo iai le papa faasee o le Papaseea o se mata’aga o loo tu i eleele o le afioaga o Lepea i le itumalo o Faleata, ma o se mata’aga e solo maimoa iai tagata tafafao mai fafo faapea tagata lava o le tatou atunuu.
O galuega mo le toe faaleleia o le mata’aga e pei ona faailoa e le kamupani o le Digicel na mafua ai ona savalia e le Sa’o o le afioaga o Lepea le afioga Faumuina Opapo Oeti le pulega o le kamupani telefoni feaveai ma fesoota’iga televavave mo se fesoasoani, e pei ona faailoa e le kamupani i luga o ana fesoota’iga i le api o foliga le tuuina atu o le $40 afe tala mo lea faamoemoe o le afioga i le Faumuina le Tupufia ma le nuu o Lepea.
O se galuega ua manatu le Ofisa Sili o le pulega o le Digicel ua talafeagai iai le fesoasoani, auā o se tasi lea o naunauta’iga o le kamupani ia fesoasoani i atina’e mo le manuia o tagata lautele o le attune.e
O le toe faaleleia o le Papaseea Sliding Rock e lē gata ua fetaui ma le tapenaga i le taligamalo i le fono a Malo o le Taupulega, ae o le a faatumau ai pea le lelei ma le saogalemu o le nofoaga mo tulisi tafafao ma lo tatou atunuu e afea mo tafaoga.
