E $38 miliona le tau o cocaine na maua mai i osofaiga a leoleo sa faia i Aukilani i le vaiaso nei.
O osofaiga nei na faia faatasi e leoleo ma le vaega o tiute ma e lē tasi se fale faapea pisinisi na oo iai.
O le tele o le cocaine na maua mai i se tasi o pisinisi i New Lynn lea e faapea e 190 kg le mamafa o cocaine na faalafi i totonu o le boiler.
O ananafi na amata tutulai ai i latou ua tuuaia ma e toafitu i latou na ave faamalosia e leoleo.
E ese mai i fualaau faasāina o loo suesue foi ma le tele o le tupe aemaise o le auala na sao mai ai le tele o nei fualaau i tuaoi o le atunuu. O loo faaauau suesuega ma e ono faaopoopo nisi e molia.
