Ua faamaonia mai foi se tasi o galuega tele i tulaga o fale ma nofoaga na taofia i lalo o se tulafono taufaaofi i Tupe Maua i Soligatulafono (Toe Fa’afo’isia) 2009 poo le vaega ua ta’ua o le Criminal Proceeds (Recovery) Act 2009.
E pei ona manino ai le oo atu i le $36 miliona tālā Niu Sila, le tauaofai o fanua ma fale (properties) e 4 na taofia faamalosi talu ai gaioiga solituafono na masalomia ua aafia ma faaaoga ai ia fanua ma fale.
Ta’ua o lea mataupu e aafia i lalo o le galuega ua faaigoaina o le Operation Lavender, afua mai i le su’esu’ega i le maliu o se tagata e suafa ia Aiden Sagala i le 2023.
Na maliu faafuase’i Aiden ina ua ia taumafaina se ‘ava malosi (pia) ma lona lē iloa o se fagu o loo tumu i le methemphetamine. I lona manatu o se fagu na aumai mai Kanata peitai ua na o se oloa o loo nanā ai le pauta faasāina.
Ma o lea mataupu sa maitauina ai le taofia e leoleo o pauta faasāina o le ‘aisa (meth) – ma o se osofaiga ma galuega iloga talu ai le telē o le mamafa o le pauta na maua- e 700 kilokalama ma o se numera aupito i telē lava lea o le ‘aisa o le methemphetamine ua taofia i se mataupu se tasi o se tala faasolopito foi lea i galuega tau nakoti i totonu o Niu Sila.
E 2 ni ali’i ua nofo sala nei i le to’ese mo le 20 tausaga ma o le tasi o vaega o loo agai iai le auaunaga a leoleo e iloilo o le tagai lea i auala ma gaioiga na mafai ai e ia tagata, o loo maua ai le tele o tupe maua.
Puna o Faamatalaga: https://www.facebook.com/share/p/1Cphq5cHj4/
