E 30 tinā ma tamaitai o le atunuu ua amana’ia o latou sao ma tautua i le atina’eina o Samoa i soo se tomai ma matātā, e ala i le i le polokalame ua faaigoaina “Ia Faae’e Mālama” a le Matāgaluega o Tinā ma Tamaitai Atina’e o Afio’aga ma Agafesoota’i.
O i latou na filifilia o latou atatusi poo portraits sa faalauiloa i se sauniga i le faletalimalo o le Taumeasina i le afiafi o le Aso Faraile na te’a nei.
O ia tinā ma tamaitai ua ta’ua o warriors ma iloga a latou tautua i upufai o le Malo, iloga i le tomai faia’oga, tomai tusiata ma tusisolo, galuega i le malo e pei o leoleo, loia, le una’ia o aiātatau o tagata e iai o latou aafiaga tumau, ma galuega o le atina’e o aiga i tomai faatinā.
