E $200,000 le fesoasoani a le malo ua tuuina atu mo Nelson, Tasman ma Marlborough ona o aafiaga mai lologa lea ua tele ina faaleagaina ai fale ma auala.
A o amata faamamā ai nisi o vaega ua matuai faaleagaina ona o le malolosi o tafega, lipotia mai e le o faigofie ona o loo toulu pea le timu.
Mai le pulenuu o Nelson, Rachel Reese e ao pea ona nofouta e ono toe lolovaia faapea ai ma palapala solo.
E oo mai i le taeao nei o loo faatumauina pea poloaiga o faalavelave faafuasei e le gata mo Nelson, Tasman ae faapea le West Coast.
Ae mo le fesoasoani tupe ua faamatuu atu e le malo mo vaega i Matu o le South Island ua aafia, e ono toe faaopoopo fua i fesoasoani o moomia ma i lipoti e faapea e ono oo atu i le tausaga o tau toe faamamā ma faaleleia mea ua faaleagaina.
O le aoauli o le asō o loo toe lapata’i ai foi i timuga mamafa faasolo a taeao.
I lipoti a le leitio faavaomalo a Niu Sila o loo molimau ai le to’atele e lē o faigofie i le komiuniti e lē gata i le itu tau seleni ae o le mafaufau.
