Ua iai le fuafuaga a Niu Sila e inivesi le $20.5 miliona i se poloketi fou tau malosiaga faaeletise i Niue e faaitiitia ai le faalagolago o le atumotu i le kiso.
O le feiloaiga a le Palemia o Niu Sila ma le autusitala faapea le Palemia o Niue ua faailoa ai ia faamatalaga ma o le a tuuina foi e Niu Sila le 2 miliona i le Niue Ocean Wide Trust mo le faalauteleina o le latou auaunaga i le faasaoina o le vasa ma tulaga e faatatau i le tau.
Faaopoopo atu ia mataupu uma i le maliega e faamalosia atili le mafutaga i le va o atunuu e lua aemaise o le faatāuaina o le 50 tausaga o le faigamalo vaavaalua a Niue ma Niu Sila.
O le vaega muamua lea o le faigamalaga a Luxon i le Pasefika i lona tofiga o le Palemia o Niu Sila, ma sa ia faaalia i lea lava lipoti lona fiafia e faatalanoa ma Premier Dalton Tagelagi vaega e galulue faatasi ai atunuu e lua ma ave iai le faamuamua.
Puna o Faamatalaga: https://www.rnz.co.nz/news/political/518690/christopher-luxon-dalton-tagelagi-announce-20m-niue-energy-project
