E 18 miliona ua saunia ane e le faigamalo a Niu Sa Uelese e faatupe ai se suesuega tutoatasi i le faalavelave i Bondi Junction i le vaiaso na tea nei.
O le Premier o Chris Minns na ia folafola lea suesuega ma faailoa ai o le faatupega o le a tuuina i le ofisa o le coroner ma o le a filifilia se state coroner mo lea suesuega.
E pei ona faailoa i lipoti mai le faaiuga o le vaiaso tulaga faanoanoa o lenei faalavelave ma nai tagata ua ma’umau ai soifua.
O le taulaga faatau a Bondi na tupu ai le faalavelave ua maliliu ai le toaono ma isi ua manunu’a.
O loo faagasolo pea suesuega i le faalavelave lea i le taimi nei.
Puna o Faamatalaga: https://www.9news.com.au/national/bondi-junction-stabbing-update-chris-minns-announces-18-million-independent-coronial-inquest/c691bb10-0298-449f-bf18-ed80dc33e153
