Ua 18 masina talu ona maliu se alii e suafa ia Evander Tuala 23 tausaga ae oo mai i le taimi nei e lē o iloa tonu lava poo ai na faaoolima iai ma o loo tulituliloa pea e si ona aiga se tali o lenei mataupu. Lipotia i le 9News i le aso ananafi o Tuala na maliu a o agai atu ma ni ana uo mo se tafaoga, na tupu se vevesi ma aafia ai.
O le faamatalaga a si ona tuafafine Analia Tuala e pei ona lipotia i le alaata 9 ua ia ta’ua ai e iai le tagata na ia faatino le tulaga ua maliu ai si ona tuagane, ma o loo iloa lelei e lea tagata o ia na faatinoina lea tulaga.
O Evander e iloa foi i le igoa o Woody e pei ona ta’ua i le lipoti o se atalii, uso ma se uo i le toatele ma o le aso 9 o Aperila i le tausaga talu ai na aafia ai lona soifua i lea faalavelve.
E toalima alii ua faamaonia moliaga mai lea mataupu ma e leai se tasi o i latou ia o falepuipui ma e lei iai lava se tasi ua molia i le maliu o Evader ma ua tuuina atu le mataupu i le coroner.
