Ua faamautū le filifilia o ta’ita’ifono ma sui o komiti faatonu o nisi o faalapotopotoga tuma’oti a le malo i se faai’uga a le Kapeneta i le vaiaso nei, ma ua aofia ai ni tamalii se to’alua o le isi sa avea ma Ofisa Sili o le Matāgaluega o Tupe a le malo, ae o le tasi sa faauluulu iai le faalapotopotoga o vaa a Samoa mo ni tausaga.
O le tofa Lavea Tupaimatuna Lavea ua avea ma ta’ita’ifono o le komiti faatonu o le Faletupe o Atina’e ma sa avea ma Ofisa Sili na faauluulu iai le matāgaluega o tupe i ni tausaga ua tuana’i.
O le susuga Papalii Willie Nansen sa avea ma Pule o le Faalapotopotoga o Vaa a Samoa i ni tausaga ua mavae ua faamaonia le avea o se tasi o sui o le komiti faatonu o le Pulega o Uafu ma Taulaga ma le kamupani vaa o le Pacific Forum Line.
O suafa nei o tamālii ua filifilia faatasi ma Faalapotopotoga Tuma’oti a le Malo ua tofia ai:
1. Tagaloa Eddie Wilson
Ta’ita’ifono o le Faalapotopotoga o Faaputugatupe mo le Lumana’i Manuia o Tagata (S.N.P.F.)
2. Lavea Tupa’imatuna Iulai Lavea
Ta’ita’ifono o le Faletupe o Atina’e a Samoa (D.B.S.)
3. Papalii Siaosi Hansell
Ta’ita’ifono o le Faalapotopotoga o Petipetiga a Samoa (Gambling Corporation)
4. Theresa Tagi’ilima
Faatonu o le Faletupe o Atina’e a Samoa (D.B.S.)
5. Tiatia Taulo’a Fiaga
Faatonu o le Faletupe o Atina’e a Samoa (D.B.S.)
6. Amituana’i Fana’ivalu Kenrick
Faatonu o le Faalapotopotoga o Petipetiga a Samoa (Gambling Corporation)
7. Papali’i Steven Leota
Faatonu o le Faalapotopotoga o Malosi’aga tau Eletise (E.P.C.)
8. Maulolo Fata Ueligitone Malifa
Faatonu o le Faalapotopotoga o Taui mo Faalavelave Faafuase’i (A.C.C.)
9. Leilua Tutogi Mailei
Faatonu o Faalapotopotoga o Fale a Samoa (S.H.C.)
10. Lealali Mapuona Mulitalo
Faatonu o le Faalapotopotoga o Faavae Tau Fatuga’o o Samoa (N.K.F.)
11. Sa’u Gafa Salesa Fetu
Faatonu o le Faalapotopotoga o Su’esu’ega Faasaienisi a Samoa (S.R.O.S.)
12. Tupuola Savave Sapolu
Faatonu o le Faalapotopotoga o Su’esu’ega Faasaienisi a Samoa (S.R.O.S.)
13. Faaolatane Iona Pa‘ō
Faatonu o le Faalapotopotoga o Vaa a Samoa (S.S.C.)
14. Tagaloa Tupou Afa
Faatonu o le Auaunaga o Vaa a Samoa (S.S.S.)
15. Robert Michael Rankin
Faatonu o le Pulega o Tagata Tafafao Maimoa mai Fafo (S.T.A.)
16. Papalii Willie Nansen
Faatonu o le Pulega o Uafu ma Taulaga a Samoa | Pacific Forum Line
Ua faailoa e le Palemia i le mae’a o le fono a le Kapeneta i lenei vaiaso le faamaonia o i latou ua faailoa atu suafa, ma ia faaaila ai e 35 isi tofiga faatonu o le a faailoa i le isi lua vaiaso o lumana’i ai nei.
