E oo mai i le taeao nei ua oo i le 14 tagata maliliu o Vanuatu ona o le mafui’e 7.3 lona malosi na lūlū ai ananafi.
O faamaoniga nei mai le malo o Vanuatu na faamauina i le po anapo ma e silia ma le 200 tagata manunu’a ua maua.
O loo faaauau pea sa’iliga o tagata, ma ua valaau mai ai foi ma le faigamalo a Vanuatu i atunuu i fafo e fesoasoani atu.
E leai se mālōlōga i le po anapo a o faaauau ai pea ona lavea’i mai tagata ua tanumia i fale ua solo ma o loo alu pea i luga le fuainumera o tagata maliliu faapea tagata manunu’a.
O loo faamatalaina i tusitusiga a tusitala o le mafui’e sili lea ona malosi ua molimauina i totonu o le 20 tausaga i Vanuatu ma i lipoti a le ABC o loo ta’ua ai o lea lava e faaauau ona faalogoina e Vanuatu mafui’e laiti poo aftershocks.
Mai ia Niu Sila, Ausetalia faapea Fiti ua faailoa o lea ua sauni e fesoasoani ia Vanuatu a o mafatia ai, ma ua faamautinoa mai foi ua faaleagaina ai ma le fale o loo faaaogā e le Haikomesina o Niu Sila i Vanuatu.
E tuufaatasia tala o le taeao o lea ua faalēaogāina uma faigamalaga a vaalele na faamoemoe mo Vanuatu.
Puna o Faamatalaga: Vanuatu earthquake live updates: Death toll reportedly rises to 14 – NZ Herald
