E na o le 13 tausaga o se talavou ua lipotia mai na pue e leoleo i le supamaketi a Woolworths ina ua agai atu ma se auupega e talitonuina o se agaese.
O molimau a tagata na iai i le supamaketi i le taimi lea ua ta’ua ai o se vaaiga faafefe tagata lea taimi ae faafetaia le vave o gaioi a le aufaigaluega na o latou muai iloa ane le talavou lea ma logoina loa leoleo.
O le afiafi o le Aso Sa na tea nei lea na tupu ai le mataupu lea i le faleoloa o le Woolworths i Alice Springs i le Northern Territory.
E le o iloa pe aisea ua ia faatino ai lea gaioiga ae o le itu e faafetai ai leoleo ona e leai ni soifua na aafia.
O loo faaauau suesuega.
