Ua toe faamanuiaina foi le faletalimalo o le Seabreeze Resort i A’ufaga i le faailoga e amana’ia ai le tautua a faletalimalo pito sili ona lelei lona pulea le World Travel award.
Ua 12 ai tausaga o maua pea e lea pisinisi tau faletalimalo i Samoa lea faailoga ma avea ai ma pisinisi tau tagata tafafao o loo ta’imua pea i le atunuu i le tautuaina o tagata tafafao e lē gata o lana auaunaga ae o le faagaioia o lana galuega mo tulisi tafafao mai i Samoa.
O le tausaga foi lenei 2024 ua faaono ai ona maua pea e le Seabreeze Resort le faailoga o le Oceania’s Most Romantic Resort, ae o le faailoga ua toe faamanuaiaina ai le Wzorld Travel Award o se pine faamau ola lea o se auaunaga tau faletalimalo ua maoa’e lona faatinoga.
O tulisi tafafao mai le matutua o le 18 tausaga ma luga atu e tatala iai faitoto’a o lea auaunaga o pisinisi faletalimalo i Samoa, ma o le isi lea o mafuaaga o le tu maualuga o lana tautua i le faatulagaga o faletalimalo e lē gata i le li’o o atunuu o le Oceania, ae faapea foi i le lalolagi.
