E 114.5 miliona leisi vaegatupe faaopoopo ua faaagaga nei mo aiga ma le tetee atu I sauaga I totonu o aiga pei ona saunoa ai le minisita e feagai tonu ma auaunaga faatatau I mataupu ia, Marama Davidson. Ua faailoa o lea vaegatupe o le a ffaasoa I totonu o le fa tausaga.
Na ia faaalia o lenei vaegatupe e taulai foi i tulaga faataitai o tangata whenua ma e le o toe mamao ona folafola lea o le kulupu faufautua a le matagaluega e feagai tonu ma le matafaioi lea.
Fai mai Marama oi latou uma na aafia I sauaga I totonu o aiga ma sauaga mataga e agavaa e maua le fesoasoani aupito sili e tatau ona ofoina ma ia faaumiumi foi ona ofoina sea fesoasoani.
Ua faailoa foi e le minisita ua tatau ona sui le manatu o le toatele I le itupa o tina ma tamaitai ma aveese faiga faailoga tagata. I lalo o lea vaegatupe ua taua e le One News o le a faaagaga ai le 38 miliona e faamalosia ai nisi o fuafuaga mo fesoasoani I tulaga faapea I komiuniti a maoli ma le pasefika.
