E 10 tausaga ma le lua masina I le falepuipui le faasalaga o Earl Opetaia,o se tagata sa avea ma caregiver a le Child Youth and Family ona o le faia o uiga mataga I ni tamaiti sa I lalo o lana vaavaaiga.
O loo lipotia I le Stuff I le aso o Earl William Opetaia 59 tausaga o le soifua na faamaonia foi moliaga e tolu o le sapalaia o fualaau faasaina I nisi o nei tamaiti ma isi moliaga o le faamatau e fasioti.
I le lauina o lona iuga I le aso na faailoa ai e le faamasino Justice Ian Gault ua solia e Opetaia le faatuatuaga na tuuina ia te ia o se tagata faigaluega o le Child Youth and Family ma sa ia silafia foi le tulaga maaleale sa iai i tamaiti ua aafia I ana gaioiga,.
Taua foi e le faamasino o soligatulafono a Opetaia na tupu I le va o le 2003-2006 e ogaoga ma sa ia faapele tamaiti na aafia I faguinu suamalie, ava malosi ma fualaau faasaina,
E le tatau ona itiiti ifo I le 5 tausaga ma le masina e tuli o le faasalaga faatoa agavaa e talosaga mo le palola.
