Ua tapena nei ‘au a alii ma ‘au a tamaitai mai motu o Upolu ma Savaii e tausinio i le taamilosaga lakapi liki o le Islands of Origin lea na faalauiloa e le Minisita o Taaloga i le afiafi o le Aso Tofi i se sauniga na faia i le maota Samoa o le malae tapolo i Tuanaimato.
O lea taamilosaga e faagasolo i Salafai ma o le kamupani o le Pacificezy Money Transfer o se tasi o lagolago malosi o lea taamilosaga ua latou faameaalofa le tinoitupoe e 10 afe tala i le asosi lakapi liki e fesoasoani ai i le taamiosaga o le tausaga nei.
Le Pelesetene o le asosi lakapi liki le susuga Fiu Faaolatane Ponifasio Vasa.
O le pule o le Pacificezy i Samoa le afioga Tuala Magele Tuifaasisina Daniel Ah Kau na saunoa e momoli faamanuiaga i ‘au o le a tausinio i le taamiosaga o lenei tausaga.
